...

...

Шуурхай мэдээ

•Sainjargal

•10-р сар 26

Баян-Өлгий аймгийн багш нарын монгол хэлний мэдлэг 30 хувьтай гарчээ

Баян-Өлгий аймгийн багш нарын монгол хэлний мэдлэг 30 хувьтай гарчээ

Боловсролын сайд Л.Энх-Амгалангийн А/356 дугаар тушаалаар байгуулагдсан тус яамны ажлын хэсэг Баян-Өлгий аймаг энэ оны аравдугаар сарын 12-16-ны өдрүүдэд ажилласан.

Энэ үеэр тус аймгийн боловсролын салбарын бодлогын хэрэгжилтийн нөхцөл байдалтай танилцаж, дүн шинжилгээ хийх, анхаарах асуудлуудыг тодорхойлон холбогдох байгууллагуудад зөвлөмж өгсөн байдаг. Мөн багш, удирдах ажилтнуудын монгол хэлний мэдлэг, чадварт үнэлгээ өгч, дүгнэлт өгөх явдал байсан бөгөөд бага ангийн багш нар болон монгол хэл, уран зохиолын багш нар, сургуулийн захирал, сургалтын менежер, цэцэрлэгийн эрхлэгч, боловсролын газрын ажилтнууд, Боловсролын их сургуулийн харьяа салбар сургууль, Багшийн коллеж_ мэргэжлийн, дээд боловсролын сургалтын байгууллагын багш нарыг хамруулан монгол хэлний түвшин тогтоох шалгалт авч, үр дүнг тооцсон байна. Харамсалтай нь, шалгалтын дүнгээр монгол хэл, уран зохиолын багш нарын дундаж үнэлгээ 51 хувь, сургуулийн захирлуудын монгол хэлний боловсрол 50 хувь, сургалтын менежерүүдийнх 44 хувь, цэцэрлэгийн эрхлэгчдийнх 40.7 хувь, мэргэжлийн болон дээд боловсролын сургалтын байгууллагын багш нарынх 33 хувь, бага ангийн багш нарынх 30 хувьтай гарсан байна.

Иймд дүнг үндэслэн багш, боловсролын байгууллагын удирдах ажилтнуудын монгол хэлний мэдлэг, чадварыг сайжруулах, түвшин бүрд тохирсон агуулга, арга зүйгээр сургалт, хөгжлийн арга хэмжээ зохион байгуулах шаардлагатай гэж үзэж, Боловсролын сайдын тушаалаар Баян-Өлгий аймагт авч хэрэгжүүлэх арга хэмжээний шийдвэр гаргахаар төлөвлөсөн байна.

Сэтгэгдэл

Энэ агуулгын талаар санал бодлоо хуваалцаарай.

0 Сэтгэгдэл

Сэтгэгдэл байхгүй байна. Анхны сэтгэгдлээ үлдээгээрэй!