Ес дэх удаагийн парламент өнөөдөр нээлтээ хийж, гишүүд тангаргаа өргөлөө. Үүнтэй зэрэгцэн намууд дээр зарим томилгоо яригдаж байна. Тэгвэл УИХ дахь Ардчилсан намын бүлгийн даргаар Ерөнхийлөгч асан, УИХ-ын гишүүн Халтмаагийн Баттулгын нэр яригдаж эхэллээ
Дашрамд дурдахад, МАН-ын хувьд хэд хэдэн томилгоог өнөөдөр өглөө Удирдах зөвлөлөөрөө авч хэлэлцсэн юм. Харин УИХ дахь МАН-ын бүлгийн даргын асуудлыг чуулганы хуралдааны дараагаар тус намын Удирдах зөвлөл хуралдаж шийдвэрлэх аж. Одоогоор бүлгийн даргаар С.Бямбацогт, Э.Бат-Амгалан нарын нэгийг томилж магадгүй байгаа талаар эх сурвалжууд мэдээлж буй.