ГАМШИГ, ОНЦГОЙ НӨХЦӨЛ БАЙДЛЫН ҮЕД ХҮҮХЭД ХАМГААЛЛЫН ҮЙЛЧИЛГЭЭ ҮЗҮҮЛЭХ НЭГДСЭН АРГА ЗҮЙ СУРГАЛТЫГ ЗОХИОН БАЙГУУЛЛАА

Засгийн газрын хэрэгжүүлэгч агентлаг Хүүхэд, гэр бүлийн хөгжил хамгааллын ерөнхий газрын Төрийн захиргааны удирдлагын газрын дарга Ш.Чинбатаар ахлуулсан ажлын хэсэг Төв аймагт 2024.06.03-ны өдөр ажиллаж, "Гамшиг, онцгой нөхцөл байдлын үед хүүхэд хамгааллын үйлчилгээ үзүүлэх нэгдсэн арга зүйн сургалт"-ыг зохион байгууллаа.

Мөн НҮБ-ын Хүүхдийн сантай хамтран зудын нөхцөл байдал хүнд байсан 9 аймгийн 72 сумын Хамтарсан багт техникийн туслалцаа үзүүлж байгаа бөгөөд Төв аймгийн Алтанбулаг, Баян, Баянхангай, Баянжаргалан, Баян-Өнжүүл, Бүрэн, Лүн, Өндөрширээт, Эрдэнсант сумдын Хамтарсан багийн нарийн бичгийн дарга нарт болон Төв аймгийн Хүүхэд, гэр бүлийн хөгжил хамгааллын газарт шаардлагатай тоног төхөөрөмжийг хүлээлгэж өглөө.