МАН нэр дэвшигчдийнхээ өргөдлийг авч эхэлжээ

УИХ-ын сонгууль хаяанд ирсэнтэй холбогдуулан улс төрийн намууд нэр дэвшигчидтэйгээ уулзах, санал бодлыг нь сонсох, ерөнхий чиг шугамаа тодорхойлох ажил сонгууль бүрийн гуравдугаар сараас тодорхой болж эхэлдэг. Тэгвэл энэ удаагийн УИХ-ын сонгууль холимог систем, үүн дотроо томсгосон мажоратор системээр явах болсонтой холбогдуулан улс төрийн нам болон нэр дэвшигчдийн хувьд бэлтгэл ажил харьцангуй нам жим өрнөж буй. Гэсэн ч МАН-ын хувьд нэр дэвших сонирхолтой улстөрчдийнхөө хувийн өргөдлийг энэ долоо хоногоос эхлэн авч эхэлсэн бөгөөд сонирхогчид дор бүрнээ УИХ-ын сонгуульд нэр дэвших хүсэлтээ тойргийн сонголттойгоо хамт бичиж өгөх ёстой аж. Ингэснээр нэр дэвшигчдийн судалгааг төв аппаратаас тойрог бүрт дөрөвдүгээр сарын эхээр хийж, нэр дэвшигчидтэйгээ эргэн холбогдох бололтой.