Цасан болон шороон шуурга шуурч, эрс хүйтрэхийг ЦУОШГ-аас анхаарууллаа

Улаанбаатар хот орчимд 2026 оны 4 дүгээр сарын 17-18-нд шилжих шөнө бага зэргийн бороо, 18-ны өдөр хур тунадас, 18-19-нд шилжих шөнө бороо, нойтон цас, цас орж, цасан шуурга шуурна. Салхи секундэд 5-10 метр, 18-нд баруун өмнөөс хойш эргэж секундэд 15-17 метр хүрч ширүүсэж, хур тунадас орохын өмнө шороон шуурга шуурч, агаарын температур эрс хүйтрэхийг ЦУОШГ-аас мэдээллээ.

Иймээс,

Онцын шаардлагагүй бол орон нутагт зорчихгүй байх,

Гэр, сууцны галлагааны аюулгүй байдлаа хангах,

Угаарын хийн хордлогоос сэргийлж, утаа мэдрэгчийн хэвийн ажиллагааг шалгах,

Бага насны хүүхэд, өндөр настан, хөгжлийн бэрхшээлтэй иргэдийн аюулгүй байдлыг хангах,

Гэр, байшин, сууц, хашааны бат бөх байдлыг шалгаж, хүчтэй салхины үед нурахаас сэргийлэх,

Хүйтний эрч эрс нэмэгдэх тул дулаан хувцаслаж, осгохоос сэргийлэхийг нийслэлийн Онцгой байдлын газраас анхааруулж байна.