“БИЛГҮҮН НОМЧ Б.РИНЧЕН-120” ЭРДЭМ ШИНЖИЛГЭЭНИЙ ХУРАЛ, ҮЗЭСГЭЛЭН ЗОХИОН БАЙГУУЛАГДАНА

Монголын соён гэгээрүүлэгч, их эрдэмтэн, Төрийн шагналт зохиолч, дуун хөрвүүлэгч, угсаатны зүйч, хэл бичгийн ухааны доктор академич Еншөөбү овогт Бямбын Ринченийн мэндэлсний 120 жилийн ойг тохиолдуулан улс орон даяар соёл, урлаг, боловсролын олон талт арга хэмжээ зохион байгуулагдаж байна.

Тэрбээр үндэсний хэл бичиг, өв соёлоо хадгалан хамгаалах, судлан сурталчлах үйлсэд ухамсарт амьдралаа зориулсан билгүүн номч бөгөөд монгол хүний ёс суртахуун, эх оронч үзэл, соёлын өнгө төрхийг уран сайхнаар илэрхийлсэн олон бүтээл туурвижээ. Түүний “Үүрийн туяа”, “Заан Залуудай”, “Гүүш Баатар”, “Монголын за-андгаар буй за” зэрэг бүтээлүүд нь үндэсний сэтгэлгээг гүнзгий илэрхийлсэн үнэт бүтээлүүд юм.

Ойд зориулсан шинжлэх ухааны хурал, үзэсгэлэнгээр академич Бямбын Ринченийн амьдрал, эрдэм судлал, уран бүтээлийн замнал, судалгааны үнэт өвийг дэлгэн үзүүлж, түүний соён гэгээрлийн үйл хэргийг олон нийтэд сурталчлах, хойч үед өвлүүлэх зорилготой юм.

Үүнээс гадна академичийн орчуулгын болон бусад бүтээлийн гар бичмэл эх хувь, бие даасан зохиол, захидлууд, гадаад хэлээр хэвлэгдсэн бүтээлүүдийг Үндэсний номын сангийн Монгол судлалын гар бичмэлийн сан хөмрөгт хадгалж, эдгээр бүтээлүүдийг үзэсгэлэнд дэлгэн олонд толилуулах юм.