АНХДУГААР БОГД ӨНДӨР ГЭГЭЭН ЗАНАБАЗАРЫН ШИЛДЭГ БҮТЭЭЛҮҮД ЧИНГИС ХААН ҮНДЭСНИЙ МУЗЕЙД ДЭЛГЭГДЭНЭ

Монгол Улсын Засгийн газрын 2024 оны 200 дугаар тогтоолын дагуу Монголын төр, шашин, соёл, урлагийн нэрт зүтгэлтэн Өндөр гэгээн Занабазарын мэлмий гийсний 390 жилийн ойг энэ онд өргөн хүрээтэй тэмдэглэн өнгөрүүлж, олон талт арга хэмжээнүүдийг зохион байгуулж байна.

Тэдгээрийн нэг нь “Монгол бахархал”-ын өдөрт зориулсан “ЧИНГИС ХААНЫ УДМЫН ХУТАГТ: ДОРНЫН ИХ СЭРГЭН МАНДАЛТ” тусгай үзэсгэлэн бөгөөд энэ сарын 11 дүгээр сарын 20-29 өдрүүдэд Чингис хаан үндэсний музейд дэлгэн толилуулна.

Уг үзэсгэлэнд Өндөр гэгээн Занабазарын мутрын шилдэг бүтээлүүдийн дээжээс олон нийтэд толилуулах бөгөөд дотоод амар амгалан байдлаар бүтээж шүншиглэн амилуулсан, урлаг, уран сайхан гоо зүйн хувьд дахин давтагдашгүй бүтээлүүдийг нэгэн дор дэлгэн түмэн олны мэлмийг баясгана.

Академич Бямбын Ренчин нэгэнтээ Өндөр гэгээн Занабазарын авьяас, урлагийн ур чадварыг үнэлэхдээ “Тэр бол Азийн Микеланджело байсан” хэмээн онцлон тэмдэглэжээ.