УТГА ЗОХИОЛЫН 2024 ОНЫ ШИЛДЭГ БҮТЭЭЛҮҮД ТОДОРЛОО

Монгол Улсын Засгийн газрын 2023 оны 391 дүгээр тогтоолоор батлагдсан “Утга зохиолын шилдэг бүтээл шалгаруулах, улсын санд худалдан авах, хадгалах, ашиглах журам”-ын хэрэгжилтийг хангах ажлын хүрээнд “УТГА ЗОХИОЛЫН 2024 ОНЫ ШИЛДЭГ БҮТЭЭЛ”-ийн эзэд тодорлоо.

Соёл, спорт, аялал жуулчлал, залуучуудын сайдын 2024 оны “Зардал баталж эрх шилжүүлэх тухай” А/67 дугаар тушаалын дагуу Засгийн газрын хэрэгжүүлэгч агентлаг Соёл, урлагийн газар “Монголын зохиолчдын эвлэл” НҮТББ- тай гэрээ байгуулан ажилласан бөгөөд тус байгууллагын удирдах зөвлөлийн шийдвэрээр батлагдсан мэргэжлийн зөвлөлийн санал, дүгнэлтэд үндэслэн Соёл, спорт, аялал жуулчлал, залуучуудын сайдын 2024 оны А/262 дугаар тушаалаар дараах бүтээлүүдийг баталгаажуулснаар өнөөдөр бүтээлийн эзэд батламжаа гардан авлаа.

“УТГА ЗОХИОЛЫН 2024 ОНЫ ШИЛДЭГ БҮТЭЭЛ”- ЭЭР

Уран зохиолын судлал, шүүмж төрөлд: Р.Чүлтэмсүрэнгийн “Өөрийгээ билүүдэхийн учир” бүтээл

Утга зохиолын орчуулгын төрөлд: А.Мягмаржавын “Анна Ахматова” бүтээл

Утга зохиолын хүүрнэл зохиолын төрөлд: С.Баттулгын “Зүүдний хураангуй” бүтээл

Хүүхдийн зохиолын төрөлд: Н.Мандалын “Хүүхдийн үлгэр, өгүүллэг, тууж” бүтээл

Хүүрнэл зохиолын төрөлд: “Ц.Бавуудоржийн “Дилова хутагт” роман

Яруу найргийн төрөлд: Э.Гантулгын “Дэлийн ус” бүтээлүүд тус тус шалгарлаа.

Бүтээлийн зохих эрхээ улсад шилжүүлж иргэдийнхээ оюуны хөрөнгө оруулалтад үнэтэй хувь нэмэр оруулж буй эрхэм зохиолчдодоо Талархал илэрхийлье.