МАН-ын Ерөнхий нарийн бичгийн дарга Я.Содбаатар анхны улс төрийн томилгоогоо хийлээ

Ерөнхийлөгчийн Тамгын газрын дарга асан Я.Содбаатар МАН-ын Ерөнхий нарийн бичгийн даргаар томилогдоод хагас жил орчим болж байгаа бөгөөд тэрбээр энэ хугацаанд намынхаа хэвлэл мэдээллийн албанд томилгоо хийснийг эс тооцвол төдийлөн хөдөлгөөн хийгээгүй. Харин энэ долоо хоногт буюу дөрөвдүгээр сарын 1-ний өдөр өөрийн улс төрийн бодлогын зөвлөхөөр “Монголын төмөр зам” ТӨХК-ийн Төслийн хэлтсийн дарга асан Т.Сайнжаргалыг, киберь аюулгүй байдлын асуудал хариуцсан зөвлөхөөр SDY Mongolia хөдөлгөөний дэд ерөнхийлөгч Б.Жавзандорж нарыг томилсон байна. Энэ нь МАН-ын Ерөнхий нарийн бичгийн даргын хувьд нам дотроо хийж буй анхны улс төрийн томилгоо гэж хэлж болох бөгөөд Т.Сайнжаргалын хувьд Сэлэнгэ аймгийн МАН-ын дэд дарга, Мандал сумын ИТХ-ын төлөөлөгчөөр ажилласны зэрэгцээ орон даяар үйл ажиллагаа явуулдаг “YES MONGOLIA” залуусын хөдөлгөөнийг үүсгэн байгуулалцаж, тэргүүнээр нь ажиллаж байжээ.