Лос Анжелос хотын эргэн тойронд дэгдсэн түймрээс томоохон хоёр түймрийг бүрэн унтраагаагүй байна

Калифорнид урьд өмнө нь тохиолдож байгаагүй өргөн хүрээ хамарсан ой хээрийн түймэр дэгдээснээс хойш долоо хоногийн хугацаа өнгөрчээ. Түймрийн улмаас 24 хүн амиа алдаж, Лос-Анжелос хотын 40 мянган акр талбай бүрэн шатаж, 12300 гаруй барилга байгууламж сүйдээд байна. Хамгийн том түймэр болох “Palisade”-ийн түймэр нь 23 мянга гаруй акр талбай хамран асаж байгаа бөгөөд дөнгөж 14 хувийг нь л цурманд оруулсан байна.

Утаа, тоосонцор шууд болон урт хугацааны аюул занал учруулж болзошгүй байгаа тул Лос Анжелос мужид нийгмийн эрүүл мэндийн онц байдал зарлажээ.