УИХ-ын гишүүн Ж.Чинбүрэнгийн МАН-ын жагсаалтыг тэргүүлэх амбиц идэвхжив

Ерөнхий сайд, МАН-ын дарга Л.Оюун-Эрдэнэ УИХ-ын сонгуулийг сонгуулийн холимог системээр явуулах болсонтой холбогдуулан “МАН-ын жагсаалтын эхний аравт эмч, багш зэрэг нийгмийн салбарын шилдэг боловсон хүчнийг бичнэ” хэмээн удаа дараа мэдэгдсэн. Үүнтэй холбогдуулан сүүлийн үед УИХ-ын гишүүн Ж.Чинбүрэн “Эмчийн хувиар би МАН-ын жагсаалтыг тэргүүлэх ёстой” гэдэг дотоодын улс төрийг эхлүүлж, МАН-ын төв аппарат тойрсон пиарчаар дамжуулан нөлөөллийн ухуулга хийлгэж эхэлсэн сурагтай. Түүний үед сүүлийн нэг сарын хугацаанд эм, эмийн бэлдмэлийн чанарын асуудлыг эрчимтэй хөндөх болсон нь өнгөрсөн дөрвөн жилийн хугацаанд хувь улстөрч, эмчийнх нь хувьд төдий л харагдаагүй шинэлэг эрчим юм.