+976 99091401

Г.АЛТАН: ДАМПУУРСАН “КАПИТАЛ” БАНКНААС БУСАД ХОХИРОГЧДЫН АДИЛ НЭГ Ч ТӨГРӨГ АВЧ ЧАДААГҮЙ ЯВНА ЗАСАХ

BY Admin 2020-04-17
Mobiletv.mn

“Алтжин” группын Ерөнхий захирал Г.Алтантай ярилцлаа.

– Монголбанкнаас “ Капитал” банкийг татан буулгаж эрх хүлээн авагч томилсноо албан ёсоор мэдэгдээд буй. Ингэснээр нийгмийн даатгал, эрүүл мэндийн даатгалын мөнгө болон бусад төсөл хөтөлбөрүүдийн мөнгийг хэрхэх тухай шуугиан дэгдээд байна. Энэ шуугианы дунд “ Алтжин”-гийн Г.Алтан гэдэг нэр бас л цохиж явна. Монголд  их мөнгөний сураг гарах үед яагаад заавал таны нэр дурдагдаад байдаг юм бол оо?

-Сонирхолтой асуулт байна. (Инээв). Зөв явахад зөөлөн зөөлөн замбуулин гэдэг үг байдаг байх аа. Хүн зөв амьдраад, зөв, чадварлаг хөдөлмөрлөөд, мөнгөний нөөцөө оновчтой удирдаж ажиллавал хэн ч мөнгөтэй болж болно. Миний хувьд бизнес хийж эхлээд 28 жилийн хугацаанд улсаас хөнгөлөлттэй нэг ч төгрөгийн зээл, мөнгө авч үзээгүй. Жишээлбэл, Хөгжлийн банк болон  ЖДҮ-ээс. Мөн аливаа тендер, концессын гэрээгээр ч ажил авалгүй өөрийн хуримтлалаараа л бизнесээ хөгжүүлж ирсэн. Ёстой л Туулын мөсийг долоох шахам байж хуримтлуулж хөрөнгөтэй болсон минь үнээн. Мөнгөө гудсан доор хадгалалтай нь биш дээ. Мэдээж аль нэг банканд хадгалуулж таарна. Гэтэл манай банкууд бүгд хувийн, ихэвчлэн нэг эзэнтэй. Тэр эзэн нь бусдын, иргэдийн, Нийгмийн ба эрүүл мэндийн даатгалын мөнгийг өөрийн хувийн компаниуддаа ашиглаж банкны эздүүдийн өөрийн компаниудын хөрөнгө уул овоо шиг болоод байдаг. Харин банк нь иргэдийн харилцах, хадгаламжийн мөнгийг нь дампуурсан гэж зарлаад тэгээд  бид хохироод л үлддэг юм байна.

 

Нээрээ ч их мөнгөний сураг гарахаар миний нэр дурдагдаад байдаг нь үнэн юм байна шүү. Сая “Капитал” банк дээр гэхэд 100-гаад тэрбум төгрөгөө нэг л өдөр дээрэмдүүлчихэв үү, хийсгэчхэв үү. Тэгэхдээ энэ бол миний маш том алдаа. Аль 2016 онд хадгаламжаа “Капитал” банкнаас татах гэж байхад Монголбанкны хариуцлагатай албан тушаалтан “Алтан чи битгий энэ мөнгөө татаж аваарай. Капиталд байгаа мөнгийг чинь дампууруулахгүй” гэж амлаж байсан. Өнөөдрийн байдлаар яг бусад харилцах, хадгаламж эзэмшигч нартай адил “Капитал” банкнаас нэг ч төгрөг одоо хүртэл авч чадаагүй байна.

-Та мөнгөө авч чадаагүй гэдэг нь хэр үнэнд ойрхон сонсогдох бол, мэдэхгүй юм. Хүмүүс хэлэхдээ таныг “ Алтжин” худалдааны төвийн түрээслэгчдийн иргэний үнэмлэхийг аваад, данс нээлгээд хүүхдүүдийнхээ мөнгийг гаргаж авах аргаа олсон гэж ярьж байна. Ингэхдээ та нэг түрээслэгчдээ 20 саяын данс нээж өгөөд 19 саяыг нь өөрөө аваад нэг саяыг нь тухайн хүндээ өгсөн гэлцэж байна. Та энэ тал дээр тайлбар өгөөч?

-“Алтжин” бөмбөгөр худалдааны төвийн түрээслэгч нартай харилцаж ажилладгийн хувьд тийм санаа бол төрж байсан гэвч тэр санаагаа гүйцэлдүүлж чадаагүй. Хэрвээ энэ санаа биелэлээ олсон бол манай хэдэн түрээслэгч нар ядахдаа нэг сая төгрөгтэй болох байсан. Нэг сая төгрөг бол бас мөнгө шүү дээ 2, 3 сарын түрээсийн мөнгө болохоор. Энэ боломж үүгээр хаагдсан юм даа. Уг нь наад асуултаа та надаас асууж байхаар “Алтжин бөмбөгөр” худалдааны төв дээр очоод түрээслэгчидтэй уулзаад асуувал илүү байсан байх. Нэг сая төгрөг авсан хүн байна уу үгүй юү гээд.

-Таны найз Хууль зүйн сайд болохоор та ийм итгэлтэй хэлээд байна уу. Уучлаарай ингэж асуусанд. Хууль зүйн сайд Ц.Нямдоржтой таныг үргэлж холбох  юм. Саяын “ Капитал” банкны  мэдээллийг  Г.Алтандаа  түрүүлж хэлсэн гэсэн? 

-Ц.Нямдорж сайд Капитал банк дампуурах эс дампуурахыг мэдээгүй байсан байх өө. Надад түрүүлж хэлсэн гэдэг нь ч худлаа. Түрүүлж хэлсэн байлаа гээд ч “Капитал” банкнаас миний мөнгө гарах боломж бололцоо, чадавх нь байгаагүй. Ц.Нямдорж сайд бид хоёр 1990 оноос хойш нэг нэгнээ мэддэг болсон. Бид хоёрт ураг төрөл ахан дүүсийн ямар нэгэн холбоо байхгүй. Манай аав Увс аймгийн хүн. Увс аймагт төрж өссөн бүх хүнтэй би ч юм уу сайд найз биш шүү дээ. Аль ч газар сайн нь ч бий саар нь ч бий. Сайдыг би  их хүндэлж явдаг. Сайд намайг аливаа гэм буруутай, хууль бус үйлдэл хийдэггүй, хийх ч үгүй гэдгийг сайн мэддэг болохоор тийм  учраас бид хоёр бие биедээ итгэдэг маш сайн найзууд юм аа. Тэглээ гээд Нямдорж сайд хэзээ ч булхайтай үйлдэл хийсэн байхад намайг өмөөрч хамгаалахгүй. Гэхдээ та нар Нямдоржийг ямар ааш араншинтай хүн гэдгийг надаар хэлүүлэлтгүй маш сайн мэднэ шүү дээ. Хэзээ ч муу зүйл хийсэн хүнийг өмгөөлж явахгүй. Би ч бас сайдаас хууль бус үйлдэл хийхийг хэзээ ч гуйхгүй.

-Үгүй, гэхдээ сая “ Капитал” банкны асуудал дээр таныг өмөөрөөд байсан даа?

 

-Би өмөөрөөд байсныг сонсоогүй юм байна. Өнөөдөр “Капитал” банк дээр ажиллаж байгаа эрх хүлээн авагч нарыг Ц.Нямдорж сайд томилоогүй. Тэр бол Монгол банкнаас томилогдсон хүмүүс байх. Тэд нараас сайд юм гуйхгүй. Тийм эрх зүйн боломж ч байхгүй. Яаж тусалъя даа гэж бодож байхыг үгүйсгэхгүй.

-Таны нэртэй бас нэг хоршиж явдаг хүний нэг бол “ Жаст”-ын Ш.Батхүү. Та хоёр хэдийнээс эхэлж нөхөрлөж эхлэв. Таниас олон удаа зээл авч байсан гэж сонсч байсан?

-Ш.Батхүү бид хоёр 1997-1998 оны хооронд танилцсан. Цуг нэг компани байгуулж хамтран бизнес хийж ажиллаж байсан удаа үгүй. Харин надаас 1998 онд анх 10.000 доллар зээлж аваад буцаад хүүтэй нь хамт өгч байсан. Үүнээс хойш олон ч удаа надаас зээл авч буцаан өгч байсан. Намайг “Бөмбөгөр” худалдааны төв шатаад маш хүнд нөхцөл байдалд ороод байх үед миний мэдлийн шатахуун түгээх станцууд, агуулахыг бусдын өгч байсан үнээс арай өндөр үнээр худалдан авч тэр үед надад  их тусалсан хүн гэж боддог. Өнөөдрийн байдлаар Ш.Батхүү “Хадгаламж” банкны эзэн сууж байхдаа “Хадгаламж” банкны баталгаа гаргаж миний хүү Э.Сүрэнгийн хадгаламжийн дансанд хадгалагдаж байсан 32.855.296 ам.долларыг Батхүү зээлж авсан. Энэ зээлийн гүйлгээнүүд бүгд банкны гүйлгээ, хуулга, баримтаар харагддаг. “Хадгаламж” банк өнөөдөр “Төрийн банк” болсон. “Хадгаламж” банкны эрх, үүрэг Төрийн банканд шилжсэн учир шүүхийн шийдвэр “Ш.Батхүү зээлээ төлж чадаагүй нөхцөлд Төрийн банк төлөхөөр” шийдвэр гарсан байдаг. Шүүхийн шийдвэр 2013 онд гарсан боловч өнөөдрийн байдлаар нэг ч төгрөг авч чадаагүй. Ингэснээр 2010 онд зээлдүүлсэн мөнгөө арав гаруй жил олж авч чадахгүй хохирч явна. Нөгөө талаас Ш.Батхүү 2010 оноос хойш Г.Алтан надаас бага багаар зээл авсаар явсан. Ш.Батхүүгийн эзэмшлийн “Олон овоот гоулд” ХХК-ийн лицензийг “Голдман сакс” банк 16.5 сая ам.долларт барьцаалсан байсныг Ш.Батхүү өөрийн үл хөдлөх хөрөнгөөр буюу аливаа хэлбэрээр төлж чадахгүй лицензүүдээ барьцаанаас гаргахын тулд надаас дахиад л зээл хүссэн. Гэвч надад тэр их хэмжээний бэлэн мөнгө байгаагүй учир хэдэн үл хөдлөх хөрөнгө байсныг тодорхой хэмжээнд үнэлж Ш.Батхүү надаас зээл авч  Голдман саксын өрөнд өгч лицензүүдээ барьцаанаас гаргасан байдаг. Зарим нэгээс нь дурдвал САПУ спирт, архи, пиво, ундааны бүрэн тохижуулсан ажиллаж байсан үйлдвэр, байшингийн хамт. Байшин нь та бүгдийн мэддэг “Талх чихэр” ХХК-ийн Б корпус 20.000м2 талбайтай. Үүнээс гадна нарны зам дагуу байршилтай гурван давхар үл хөдлөх хөрөнгө, нэг га газрын хамт. Мөн Зайсангийн аманд үл хөдлөх хөрөнгө, дөрвөн га газрын хамт гэх мэт. Ш.Батхүү эргээд надад энэ өр төлбөрөө тэр нь 60 тэрбум төгрөг болсон байсныг төлж чадахгүй тиймээс энэ өрөндөө “Олон овоот гоулд” ХХК-ийг надад өгч өр төлбөрөө хаасан аядсан юмаа. Дүгнэж хэлэхэд миний хүү Э.Сүрэнгээс Батхүү зээлж авсан 32.855.296 ам.доллар тусдаа, Г.Алтан надаас үл хөдлөх хөрөнгө ба бэлэн мөнгө зээлсэн 60 тэрбум төгрөг нь бас тусдаа  хоёр өөр зээлийн багц юм аа. Г.Алтан надаас зээлсэн 60 тэрбум төгрөгтөө  “Олон овоот гоулд” ХХК-ийг өгч зээлээ хаасан байдаг.

-Бизнес эрхлэгчид хатуу дүрэмтэй ажилладаг гэж хувьдаа би ойлгодог. Таны ярьсныг сонсохоор та “Жаст”-ын  Ш.Батхүүтэй зөөлөн хэлбэр маягтай ажилласан мэт санагдаж байна. Нөгөө талаар бизнесийнхэн өөрт ашиггүй бол хуруугаа ч хөдөлгөх дургүй хүмүүс биз дээ?

 

-Үнэний ортой л үг байна. Миний хүү Э.Сүрэнд Төлбөрийн баталгаа гаргаж өгсөн “Хадгаламж” банк нь хэцүүдчих гээд, өөрийн хөрөнгө нь дутагдаад нөгөө талаас Олон овоотоос гайгүй хэмжээний алт авна гэсэн хатуу итгэлтэйгээр Батхүү асар их ажил хийж байсныг харсан юм. Мэдээж Ш.Батхүү надад зээлээ төлнө гэсэн горьдлого үүрээд мөнгө гарцаагүй өгсөөр, өгсөөр чөтгөрийн тойрогт орсон нь үнэн.

-Үүнээс гадна “Стандарт” банк, Ш.Батхүү, Г.Алтан гурав ямар сэжүүрээр байнга хамтдаа яваад байдаг юм бэ?

-Ш.Батхүү “Стандарт” банкнаас зээл авсан. Мөн миний хүү Э.Сүрэнгээс зээл авсан. Ш.Батхүү бол зээлдэгч. “Стандарт” банк,  миний хүү хоёр зээлдүүлэгч. Үндсэндээ Батхүү бол хариуцагч харин “Стандарт” банк, Сүрэн нар хохирогчид. Стандарт банктай би бөгөөд миний хүү Сүрэн ямар ч холбоогүй. Хольж хутгаад байдаг нь ухаан муугийнх уу. Зориудынх уу. Өнөөдөр “Стандарт” банкны өрийг төр төлчихлөө. Харин Монгол хүн, миний хүү Э.Сүрэнгийн өрийг шүүхийн шийдвэр нь гарчихаад байхад Төрийн банк төлөхгүй гүрийгээд  байх юм. Нэмээд өнөөдөр дахиад нэг Монголын банканд мөнгөө дээрэмдүүлчээд сууж байна. Уг нь найдвартай гадаадын банканд хадгалуулсан бол… “Капитал” банкны үйл ажиллагааг дэмжих зорилгоор мөнгө хадгалуулж байснаараа асар их хохирол амсч байна.” Капитал” банкнаас нэг ч төгрөг авч чадаагүй.

-Таныг АТГ-аас шалгахаар болсон гэсэн мэдээлэл яг одоо явж байна. “Алтжин” худалдааны төвийн түрээслэгчдийн иргэний үнэмлэхийг ашигласан гэх хэргээр. Та энэ тал дээр мэдээлэл өгөхгүй юү?

-Тийм юм байхгүй ээ.

-Та одоо ямар бизнес эрхэлж байгаа вэ?

-Их л олон төрлийн бизнес эрхэлдэг. Тэгэхдээ реклам шаардагдахгүй бизнес учир “Алтжин” Алтан гэсэн мэдээлэл хомс байгаа байх аа.

-Та Монголдоо амьдарч байгаа юу?

-Зөвхөн Монголдоо.

Сэтгэгдэл үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн


Эрх чөлөөний индэр
Хошууч генерал Б.ХУРЦ: Ц....

Тагнуулын ерөнхий газрын ...

2021-03-22
ЕРӨНХИЙЛӨГЧ АСАН Н.БАГАБА...

Ерөнхийлөгч асан Н.Багаба...

2020-04-17
С.БАЯР ӨӨРЧЛӨГДӨӨГҮЙ Ч МА...

Ерөнхий сайд асан С.Баяр ...

2020-04-17
ӨМГӨӨЛӨГЧ Л.САНЖААСҮРЭН: ...

Цаг хугацаа хэрвээ өөрөө ...

2020-04-17
ТУСГААР ТОГТНОЛЫГ ХӨГЛӨГЧ...

Уулзаж ярилцсан өдөр хоно...

2020-04-17
АНГЕЛА МЕРКЕЛЬТАЙ ЭКО ХОТ...

Майдар бурхан залран ирэх...

2020-04-17
АН-ЫН ИНДЭРИЙН ҮЕИЙНХЭН Б...

Зоригтой, золбоотой улстө...

2020-04-17
Г.АЛТАН: ДАМПУУРСАН “КАПИ...

“Алтжин” группын Ерөнхий ...

2020-04-17
“ЭРДЭНЭС-ТАВАНТОЛГОЙ” ХК-...

Сүүлийн үед Тавантолгойн ...

2020-04-17
ХҮҮХДЭЭ ЯАЖ НОМОНД ДУРТАЙ...

Ном унших: Хүүхдийг номто...

2020-04-17
Хүүхдийн 500 шинэ ном “мэ...

МОНГОЛ ХҮН” хүмүүжлийн ая...

2020-04-17
Ц.ЛОЧИН: МОНГОЛЧУУДЫН МАА...

“Хоймор” булангийн зочноо...

2020-04-17
Гашуунсухайт боомтын шинэ...

Гашуунсухайт боомт нь нүү...

2020-04-17
Б.ТҮМЭНЦЭНГЭЛ: КОРОНАВИРУ...

Монголбанкны Мөнгөний бод...

2020-04-17

Цаг үе
Admin
2021-03-24

Төвлөрсөн төлөвлөгөөт эдийн засгаас зах зээлийн нийгэмд шилжсэн Монгол Улсын түүх өдгөө 30 жилээр хэмжигдэж байна. Энэ хугацааны алдаа оноог улс төрийн учир шалтгаан талаас тайлбарлах нь олон ч эдийн засгийн суурь дүгнэлтийг эцэслэн ярилцсан нь хараа...

Admin
2021-03-17

Нийслэлийн лавлагаа, мэдээллийн 1800-1200 тусгай дугаарт гуравдугаар сарын 16-ны өдөр иргэдээс нийт 349 дуудлага ирлээ. Нийт дуудлагын хүлээлгийн дундаж хугацаа 13 секунд, иргэнтэй ярьсан дундаж хугацаа 1.38 минут байна. Мөн “Нийслэлийн мэдээ” фэйсбү...

Admin
2021-03-02

Нийслэлийн есөн дүүрэгт ажиллаж буй шинжилгээ авах цэгүүдийн талаар Нийслэлийн Эрүүл мэндийн газрын дарга Б.Бямбадоржоос тодрууллаа. -Өнөөдрийн байдлаар нийслэлд коронавирусийн шинжилгээ авах хэчнээн цэг ажиллаж байна вэ? -Нийслэлийн есөн дүүрэгт кор...

Admin
2021-03-02

Засгийн газрын шийдвэрээр хоёрдугаар сарын 23-наас нийслэлийн хатуу хөл хориог сулруулж, 95 мянга гаруй аж ахуйн нэгжийн үйл ажиллагааг эхлүүлсэн. Энэ дагуу томоохон худалдааны төв, захууд болон кино театр, караоке, амралтын газар, цайны газар, ресто...

Admin
2021-02-05

Засгийн газрын хэрэгжүүлэгч агентлаг Жижиг, дунд үйлдвэрийн газраас  мэргэжлийн байгууллагуудтай хамтран цар тахлын үед салбарын мэргэжилтнүүд болон жижиг, дунд үйлдвэр эрхлэгчдэдээ зориулан цахим сургалтыг үе шаттайгаар  зохион байгуулж байна. Уг су...

Admin
2021-01-29

Монгол Ардын Намын Удирдах зөвлөлийн хурал өнөөдөр болж шинэ Засгийн газар буюу Ерөнхий сайд Л.Оюун-Эрдэнийн танхимд ажиллах сайд нарыг хэлэлцэж дараах хүмүүсийг дэмжлээ. С.Амарсайхан, Ц.Нямдорж, Б.Батцэцэг, Б.Жавхлан, Л.Энх-Амгалан, С.Энхболд, Н.Урт...

Admin
2020-12-09

Монгол Улсын Засгийн газрын 2020 оны 01 дүгээр сарын 29-ний өдрийн “Нийслэл Улаанбаатар хотын зүүн бүсэд сайжруулсан шахмал түлшний үйлдвэр барьж ашиглалтад оруулах тухай” 35 дугаар тогтоолын дагуу жилд 600.000 тонн сайжруулсан шахмал түлш үйлдвэрлэх...

Admin
2020-12-09

Коронавируст халдварын тархалттай холбоотойгоор бүх нийтийн бэлэн байдлын зэргийн үед хайгуул, ашиглалтын тусгай зөвшөөрөл эзэмшигч, газрын тосны бүтээгдэхүүн хуваах гэрээт компани болон тэдгээрийн туслан гүйцэтгэгч аж ахуйн нэгж байгууллагууд нь ажи...

Admin
2020-12-09

“Эрдэнэс-Тавантолгой ХК” нь бүтээн байгуулалтыг түүчээлэгч үндэсний томоохон аж ахуй нэгжийн хувьд компаний үйл ажиллагааг ил тод нээлттэй байлгах зарчмыг баримтлан үйл ажиллагаандаа хэвшил болон хэрэгжүүлээд тодорхой хугацааг өнгөрүүлж байна. Манай ...

Admin
2020-12-09

Засгийн газрын 2020 оны 35 дугаар тогтоолын дагуу нийслэлийн зүүн бүсэд жилд 600 мянган тонн сайжруулсан шахмал түлш үйлдвэрлэх хүчин чадалтай үйлдвэр өнөөдөр нээлтээ хийлээ. Олон улсын стандартад нийцсэн тус үйлдвэр нь дэргэдээ эрдэм шинжилгээ, суда...

Admin
2020-12-09

Өнгөрсөн сарын 27-ны өдөр нийслэлийн ИТХ ээлжит II хуралдаанаа цахимаар хуралдуулж, нийслэлийн 2021-2025 онд хөгжүүлэх дунд хугацааны төлөвлөлт, нийслэлийн Засаг дарга бөгөөд Улаанбаатар хотын захирагчийн 2020-2024 оны үйл ажиллагааны хөтөлбөр, нийсл...

Admin
2020-12-09

Коронавируст халдвар /Ковид-19/-ын цар тахалтай тэмцэх хариу арга хэмжээг эрчимжүүлэх, урьдчилан сэргийлэх зорилгоор Засгийн газраас бүх нийтийн бэлэн байдалд шилжүүлэх шийдвэр гарсан. Үүнтэй уялдуулан Засгийн газрын тогтоол, Улсын онцгой комиссын ал...

Admin
2020-12-05

Өнөөдрийн нийслэлийн ИТХ-ын ээлжит хурлаар нийслэлийн 2021 оны төсвийг баталлаа.  Төсвийн төсөлд нийслэлийн ИТХ дахь МАН-ын бүлгээс гаргасан саналууд, хурлын ажлын хороодоос гарсан саналуудыг тусгалаа.  Тухайлбал, нийслэлийн ИТХ дахь МАН-ын бүлгээс н...

Admin
2020-12-04

Засгийн газрын  2020 оны 12 дугаар сарын 02-ны өдрийн ээлжит  хуралдаанаас гэр хорооллын 220 мянган өрхийн иргэдэд сайжруулсан шахмал түлшийг 50 хувийн хямдруулсан үнээр худалдахаар болсон. Ингэснээр  иргэд энэ сарын 3-ны өдрөөс эхлэн  2021 оны 04 дү...

Admin
2020-12-04

Засгийн газрын 2020 оны 12 дугаар сарын 02-ны өдрийн хуралдаанаас “Эрдэнэс Тавантолгой” ХК-ийн Тавантолгой нүүрсний уурхайг Дотоодын цэргийн гэрээт хамгаалалтад авахаар шийдвэрлэжээ. Ингэснээр Монгол Улсын дотоодын нийт бүтээгдэхүүний 7 хувь, улсын т...

Их үзсэн


ЕРӨНХИЙЛӨГЧ АСАН Н.БАГАБАНДИ “ОЮУТОЛГОЙ” ХХК-ИЙН САХИУС УУ,
2020-04-17
ТУСГААР ТОГТНОЛЫГ ХӨГЛӨГЧ
2020-04-17
С.БАЯР ӨӨРЧЛӨГДӨӨГҮЙ Ч МАН ӨӨРЧЛӨГДСӨН ҮҮ
2020-04-17
Тест фото мэдээ
2020-04-19
ӨМГӨӨЛӨГЧ Л.САНЖААСҮРЭН: 15 ЖИЛ НУУЦАЛЖ, МОНГОЛЫН НЭР ХҮНДИЙ
2020-04-17

Их сэтгэгдэлтэй


Тест фото мэдээ
2020-04-19
АНГЕЛА МЕРКЕЛЬТАЙ ЭКО ХОТ ЯРИАД ЕРӨНХИЙЛӨГЧ ТА МАЙДАР ЮМ УУ
2020-04-17
С.БАЯР ӨӨРЧЛӨГДӨӨГҮЙ Ч МАН ӨӨРЧЛӨГДСӨН ҮҮ
2020-04-17
ЕРӨНХИЙЛӨГЧ АСАН Н.БАГАБАНДИ “ОЮУТОЛГОЙ” ХХК-ИЙН САХИУС УУ,
2020-04-17
Авто зогсоолыг ил, давхар, газар доорх гэсэн гурван хэлбэрээ
2021-09-16